唔好崇拜我(FACE)

16542044.1\

黃之鋒十五歲,看來卻像十二、三歲中童,9月升中五,由自發抗高鐵到召集中學生搞「學民思潮」,在城市論壇遭「港版江青」女教師余綺華拍枱「被成名」,又狙擊到教育局局長吳克儉接見……下週日(29日)更和一班家長發起「7.29萬人反國民教育大遊行」。奀奀細細力量大,但他卻不想變人民英雄,當下最想,看一齣《蝙蝠俠》!

我15歲唔代表咩嘅,只係我覺得對社會有責任至俾人關注。但唔好將黃之鋒變成個人崇拜,我只係巧合咁創辦咗學民思潮。

有人話我老積,我只係睇場合,要令人信服就要認真啲、同尊重啲,開頭講嘢都會窒,透過多次討論就會有完整思路。

嗲哋媽咪畀好大自由度我,我搞學民思潮只要同佢哋講聲就得。佢哋唔係成日講政治o架,其實佢哋都唔去集會、遊行,但立場當然支持民主派,有時同我傾吓咁啦!

 

我只係普通中學生,鍾意睇戲、唱K、行山,我都會約學民思潮嘅成員去睇《Batman》,唱K會揀Beyond、Kolor,陳奕迅麻麻,周柏豪隻〈傑出青年〉我覺得幾正!

喺學校唔會講咁多時事,同學討論劇集,我上網都知少少嘅,咪傾吓囉!考完試就一齊去玩,吹水、打邊爐,我𠵱家冇拍拖,亦都冇人追我喎。我做緊公民抗命,亦會以家庭同學業為先,所以唔會考慮拍拖。

我唔係乜嘢英雄、政治新星,期望自己係群眾入面嘅推動者,而唔係精神領袖;爭取民主係要群眾參與,咪淨係話我好勁,自己就匿喺屋企。

 

上週日(15日)《城市論壇》內,黃之鋒指左仔組織國民小先鋒副主席余綺華可能參加立法會教育界功能組別選舉,要求她交代立場,余激動拍枱反駁,短片在互聯網點擊率超過40萬,黃之鋒即變學生偶像。

 

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s