黃之鋒與梁振英半年前首度正面交鋒，當時梁連「學民思潮」的名字也沒聽過。雙方再次碰面，已是學生絕食之時，黃只肯鞠躬不肯握手，碰得梁一鼻子灰。梁朝百日，一班中學生把政府弄得天翻地覆，15歲的黃之鋒見證梁振英由「好威威」的大人物，淪為接連錯判民情的「一嚿飯」，「如果每隔三個月就爆單社會議題，佢都幾難做落去」。
重房屋輕教育
梁振英今年三月邀約網民茶敍，黃是座上客。梁談笑自若，輕鬆抄筆記，黃承認當時有點膽怯，「佢有度殺氣、力場，為基層發聲好威威」。黃要求梁表明對國民教育科的立場，又批評課程沒納入六四等議題，梁就問：「你學校有冇教六四吖」，黃答有。梁即笑說：「咪係囉」。黃指梁當時「幾寸吓」，沒把這議題放在眼內，「佢覺得係一樣廢嘅嘢，唔需要回應，不斷講房屋。反而呢件最唔關事嘅教育政策，最後辣到全城起哄」。7月《中國模式》手冊捲起反洗腦風暴，黃指梁振英開始錯判形勢，「吳克儉虧虧地，單一議題谷到九萬人上街，梁振英竟然想用民望打消耗戰，唔肯企出嚟，成件事一發不可收拾」。8月底，政府把一早拒絕加入開展委員會的黃之鋒、家長代表陳惜姿等人強行列入「邀請中」名單，火上加油。學民思潮隨即把矛頭由吳克儉轉向梁振英，大眾焦點由教育議題提升至管治層面。學生在政總絕食翌日，梁到場探望。黃與梁再次交鋒，恍如隔世，「佢跌watt跌得好勁，變咗一嚿飯，烚吓烚吓。佢明明好鍾意做親民騷，今次為勢所逼先出現，連慰問學生都唔識」。
直至12萬人9月7日逼爆金鐘梁振英才拋出修訂方案降溫，一切已太遲，黃之鋒預言：「國教仲未解決，新界東北方案隨時變國教翻版。佢再唔撤回（國教）指引，隨時執得笠」。
黃之鋒個人網站 